Konsepto ng Kalayaan -Isang Sanaysay

Konsepto ng Kalayaan

Simula noong 1986 matapos ang Martial Law, pag upo ng Pangulong  Cory Aquino ang lahat ng tao ay nagkaroon ng kalayaan tulad ng pahayag ng saloobin sa pamamagitan ng pag martsa sa daan.Ang  kalayaan ng tao ay minsan inaabuso at nauuwi sa karahasan, mga krimen.

Kahit ang isang tao ay naakusahan ng isang krimen siya ay may kalayaan din na mamili ng kanyang abogado.

Ang bawat isa sa mundo bata man o matanda ay may kalayaan sa isa’t isa. May kalayaan ka kung ano man ang gusto mong gawin hanggat hindi labag sa batas.

Para sa akin, ang kalayaan ay isang bagay na mahirap makamit kapag hindi ka nagsikap para dito. Ito ay mahirap bigyan ng depinisyon. Ito ay isang bagay na malimit Makita ng mata. Marahil ito ay nadarama  ng ating mga puso at naiisip ng ating utak.

Iba-iba man ang ating pag-iisip tungkol sa kalayaan, lahat pa rin tayo ay nag-asam, nag-aasam, at patuloy na mag-aasam ng kalayaan.