Lumilipad
Ang
kuwentong ito ay nangyari ilang taon na ang nakakalipas. Ito ay nangyari noong
hindi pa ako nagsusuot ng salamin, at hindi pa sira ang mga mata ko.
Isang
madilim na gabi, ako at ang mga kaibigan ko ay tumambay sa labas ng aming mga
bahay. Kahit na ang gabi ay madilim, maliwanag pa rin ang buwan. Habang kami ay
nakaupo sa isang tabi, bigla akong nakakita ng nilalang na lumipad. Hindi ito
katulad ng normal na ibon kung lumipad. Ang pakpak nito ay katulad ng isang
paniki. Ito ay may hugis na kagaya ng sa itaas na kalahati ng tao. Ngunit tila
ito ay may buhok at putting ngipin. Ito ay tila ngumingiti habang ito ay
nakatingin sa direksiyon ko at nang aking mga kaibigan. Wala saaking mga
kaibigan ang nabahala nito. Sa tingin ko, ako lamang ang naka pansin nito dahil
ang aking mga kaibigan ay hindi tumitingala sa langit. Hanggang sa araw na ito,
naaalala ko pa rin ang gabing iyon.
Simula noon,
minsan na lang ako tumitingala dahil baka maulit ang insidenteng iyon. Kahit na
isang iglap ko lang ito nakita, sigurado akong hindi ako namalikmata.
No comments:
Post a Comment