Brochure- Loob at Labas

Komiks

Alamat ng Camp Batalla -Isang Alamat

Alamat ng Camp Batalla

Noong unang panahon, may komunidad sa tabi ng dagat na nagngangalang Nipako. Ang mga tao rito ang mga mangingisda para sa buong Zamboanga. Natatakot sila sa kapangyarihan ng isang wizard na nagngangalang Earlaia. Isang araw, habang pumipitas ng prutas ang mga nakakatanda, ang mga batang babae ay naglalaro sa tabing ilog. Isa doon si Leelihiya. Kahit bata pa lamang siya ay may angking kakaibang kagandahan at kabutihan. Siya rin ay magaling tumugtog ng musika at paghahabi.

Isang araw, habang siya at ang kaniyang mga kaibigan ay naglalaro, nakakita ng oportunidad ang wizard na kidnapin si Leelihiya. Kitang-kita ng kaniyang mga kaibigan kung paano siya kinuha ni Earlaia. Natakbuhan sila at pumuta sa Council of Elders ng kanilang komunidad. Tinawagnila ang mangkukulam upang malaman nila kung nasaan si Leelihiya sa puso ng dagat, kung saan nakatira ang wizard at kung saan wala pang tao ang nakapunta roon. Upang maisalba si Leelihiya, tinawag nila si Batalla.

Siya ay isang batang nanggaling sa mga tala. Siya ang itinuturing na tagapagligtas ng sambayanan. Pumunta siya sa puso ng dagat, hinarap si Earlaia at piñatay siya sa isang labanan.hinanap niya si Leelihiya at ibinalik siya sa Nipako. Upang pasalamatan siya, pinalitan ng mga tao ang pangalan ng Nipako at ginawa itong Batalla. At mula noon, naging  Camp Batalla na ng tawag sa lugar na iyon.

Ang Kalayaan -Isang Sanaysay

Ang Kalaayaan

          Ang kalayaan ay madalas inihahalintulad sa isang kalapati, maaring dahil puti ang kulay nito at ang puti ay sumisimbolo sa kalayaan. Ang kalayaan ay nakasalalay sa tao kung paano niya gagamitin ito.

          Bilang isang mag-aaral, may mga kalayaan ako na dapat kong maranasan. Isa na rito ay ang kalayaan  na intindihin ang lahat ng itinuturo sa akin ng aming mga guro. Bilang isang environmentalist, may kalayaan akong mag-tanim ng maraming puno, alagaan ang mga hayop na nanganganib ng maubos, iwasan ang paggamit ng plastics at marami pang iba.

          Maaaring ang ibang batang katulad ko ay may kaparehas na kalayaan ang iba naman ay abot-kamay na nila ang inaasam nilang kalayaan.

          Pero alam naman nating lahat na ang kalayaan ay nakamtan natin dahil sa mga bayaning ipinagtanggol an gating bansa laban sa mga dayuhang mananakop. Isandaan at labing-apat na taon na ang nakakalipas ng makamtan ng pilipinas ang kalayaan at noong mga panahon din iyon una nating naiwagayway ang ating bandila kaya naging simbolo din ng kalayaan an gating bandila.

          Maaaring iniisip natin na ang kalayaan ay medaling abutin pero hindi natinalam na ibinuwis ng mga bayani  ang kanilang buhay upang makamtan natin ang kalayaan ng bansa. Pero para sa akin ang tunay na konsepto ng kalayaan ay walang humahawak sa buhay mo.

Pagkawala ni Bunso -Isang Tula

Pagkawala ni Bunso

“Saan ka ba pupunta?” iyan ang palagi

Niyang naririnig sa akin.

Itinuturing ko siyan iba sa aking paningin,

Lagi kaming nag-aaway.

Segundo,minute at oras ang lumipas,

Hindi ko siya binabantayan.

Hanggang sumapit ang oras na hindi ko

Na siya nahanap sa paligid.

Hanggang sa nakumpirma kongnawala

Na siya sa aking paningin.

Saan ba siya maaaring pumunta?

Natapos ang buong arw hindi ko siya

Nahanap, natulog ako ng hindi siya ang kaharap.

Salamat sa diyos at nahanap siya kinabukasan.

Pangako hindi na kita pababayaan.

Kwentong Kakaiba

Des Oras ng Gabi

          Sa isang madilim na gabi, eksaktong alas dos ng medaling araw habang ang aking buong pamilya ay tulog na, ako ay nagising sa malalim kong pagtulog.

          Nalanghap at naramdaman ko ang malamig na simoy ng hangin na bumabalot sa gabing iyon. Hindi ko maintindihan kung ano ang nararamdaman ko ng mga oras na iyon. Nararamdaman ko na tila may nagmamasid sa akin. Sabi nila kapag nagising ka ng alas dos hanggang alas tres ng medaling araw ay may kakaibang nilalang na nagmamasid on sumusulyap sa iyo.

          Ito na ba ang tinatawag nilang multo? Aswang? O maligno? Saan ba galing ng mga ito? Totoo ba ang mga paniniwalang ito na tila gumagambala sa ating pag-iisip?

Kakaibang Balita

Grupo ng mga tik-tik nambiktima ng buntis!

Hatinggabi ng Agosto 4, 2012 sa Brgy. Talon-talon, Zamboanga City. Sumalakay ang grupo ng tik-tik sa bahay ni Emily Cruz, walong buwang buntis na ginang.

Eksaktong alas dose ng hatinggabi, lahat ng tao sa brgy. Talon-Talon ay tulog na, sumalakay ang grupo ng tik-tik sa bahay ni Emily Cruz. Sa bubong ng bahay nagtipon ang mga tik-tik na ito binutasan nila ang bubong ng bahay. Nagsimulang humaba ang mga dila nila at nakuha ang bata sa sinapupunan ng ina nito. Nagising ang biktima at nabulabog ang kaniyang kaanak at mga kapitbahay.

Nakuha ang bata at ayon sa imbestigasyon, pamilya ng tik-tik ang sumalakay dsa biktima.